Mbyllet protesta, nesër sërish në orën 11:00 përpara Kryeministrisë!

Protesta sapo është mbyllur përpara Drejtorisë së Policisë, ku protestuesit e shumtë kanë kërkuar lirimin e protestuesve të arrestuar nga policia.

Nga bulevardi para Kryeministrisë ku u protestua kundër rritjes së çmimeve, është lajmëruar se do të ketë sërish protestë nesër në orën 11:00 në të njejtin vend.

Ka qenë aktivisti Mirgen Qiraxhi i cili tha se, qytetarët do të vazhdojnë protestat dhe do të mblidhen sërish nesër në sheshin “Skënderbej” për tek Kryeministria.

E sotmja ishte dita e katërt e revoltës dhe protesta më madhe qytetare deri tani shkaktuar nga rritja e madhe e çmimeve të naftës dhe e produkteve të shportës në vend.

Protetsuesit kërkojnë ndërhyje nga qeveria që nga heqja e taksave mbi naftën, produktet ushqimore bazë dhe deri edhe shpalljen e minimumit jetik.

Njeri nga protestuesit i paraqiti këto kërkesa publikisht:

1. Shpallje në Fletoren Zyrtare, të  minimumin jetik
   2. Ulja e çmimit të naftës në kuotat paralufte.
   3. Çdo ushqim i ngritur të kthehet në koston e mëparshme.
   4. Të deklarosh sa është nafta rezervë e shtetit shqiptar
   5. Të deklarosh sa është fondi për emergjencat
   6. Sa ke në magazinat për gjendjen e jashtëzakonshme.