Gazeta RD
Depuetja e PD, Sorina Koti, komentoi në Syri Tv dorëheqjen e Lulzim Bashës nga drejtimi i PD. Ajo u shpreh se të dorëhiqesh nga një funksion që je shkarkuar më herët, është lëvizje shumë e vonuar. Koti theksoi se grupi parlamentar i PD ka qenë skeptik se çfarë do ndodhte me partinë dhe pritën 6 marsit për të parë se ku ishte forca e kësaj partie.
“E shkarkuam më 18 dhjetor, me parimin një anëtar një votë. Duke qenë se një pjesë e grupit parlamentar ishin skeptikë se çfarë do ndodhte brenda PD, lëvizjeve të brendshme pritën 6 marsin si etalonin matës se ku ishte forca e partisë tonë. Pas 6 marsit ishte mëse e qartë që vota e demokratëve ishte drejt Komisionit të Rithemelimit, organit legjitm të kësaj force politike”, tha Koti.
Deputetja e Partisë Demokratike u shpreh se çdo vendim i marrë nga Paria Demokratike zyrtare pas datës 11 dhjetor, është nul pasi PD më 11 dhjetor miratoi statutin e ri. Për kushtet e grupit të Bashës që kërkojnë nga Berisha të mos kandidojë si kryetar i selisë blu, për deptueten është absurde.
“Komisioni i Rithemelimit do drejtojë Partinë Demokratike. Çdo vendim i marrë pas kësaj date është i pavlefshëm. Të kërkohet marrëveshje nga një pjesë e partisë që është minorancë dhe humbëse është e palogjikshme. T’i kërkosh Berishës të mos kandidojë për kryetar të PD që ringriti opozitën për herë të tretë, është absurd”, tha deputetja Koti.
