Këlliçi: Partitë politike duhet të rrisin besueshmërinë e tyre publike

Belind Këlliçi, anëtar i Komisionit të Rithemelimit të PD, ka marrë pjesë këto ditë në një takim të organizuar nga fondacioni “Konrad Adenauer Stiftung”.  Në fjalën e tij, Këlliçi ka theksuar rëndësinë që partitë politike duhet t’i japin rritjes së besueshmërisë së tyre tek qytetarët.

Krahas fotove të publikuara, Këlliçi shkruan: “Momente nga takimi i mbajtur në Como nga Fondacioni Konrad Adenauer Stiftung, që kishte si qëllim hartimin e projekteve të përbashkëta në fushën e demokratizimit të shteteve.

Diskutova rreth uljes së besimit te politika në tërësi, veçanërisht nga të rinjtë, dhe se partitë politike duhet të rrisin besueshmërinë e tyre publike si një domosdoshmëri e demokracisë funksionale.

Faleminderit Konrad-Adenauer-Stiftung Albanien për ftesën! Si gjithmonë kënaqësi të kthehesh në rezidencën e Kancelarit të famshëm Gjerman, Kryetarit të parë dhe themeluesit të CDU, Konrad Adenauer”, përfundon deputeti.

About Redaksia

Check Also

Berisha: Sërish ne do rivendosim betejën më të egër kundër korrupsionit, tolerancë zero ndaj tij!

Kryetari i PD, Sali Berisha duke folur në tubimin qytetar, ka deklaruar se Partia Demokratike …

Leave a Reply