Gazeta RD
Robert Lewandowski raportohet se ka arritur marrëveshje personale me Barcelonën. Sipas “Interia Sport”, sulmuesi i Bayernit ka rënë dakord për të nënshkruar një kontratë tri-vjeçare, transmeton Gazeta Express.
Mediumi polak gjithashtu ka raportuar se tashmë janë gjasat shumë të mëdha që edhe klubi gjerman të lejojë largimin e Lewandowskit.
Sulmuesi polak me kampionin në fuqi gjerman ka kontratë të vlefshme deri më 30 qershor 2023.
33-vjeçari është një nga golashënuesit më të rrezikshëm në botë. Ai deri më tani në këtë sezon ka shënuar 46 gola në 40 ndeshje.
Lewandowski ka fituar gjithçka që është e mundur me “Bavarezët” dhe tani thuhet se është i etur për të nisur një sfidë të fundit.
