“Nëndetësja e Verdhë” e fundosi Bayernin, Thomas Muller flet dëshpëruar

Një dëshpërim i madh po mbretëron tek Bayern Munichu pas eliminimit nga Liga e Kampionëve në çerekfinale. Thomas Muller, i intervistuar nga “Amazon Prime” pas barazimit fatal në shtëpi ndaj Villarrealit, thotë se gjiganti bavarez meritoi më shumë në ndeshjen e zhvilluar në “Allianz Arena”, shkruan “Gazeta Express”.

“Nëse do të llogaritej vetëm kjo lojë, pa e llogaritur atë të parën, do të duhej të kalonim ne tutje. Është e vështirë ta pranosh, nuk e di se çka të them. Është e dhimbshme të pësosh gol pas kësaj paraqitjeje. Me tifozët që na mbështetën, kemi shkuar përpara dhe kemi sulmuar që nga fillimi. Duhet të bëjmë më shumë përpara portës”, deklaroi veterani i sulmit.

Bayerni kishte humbur nga Villarreali në ndeshjen e parë, 0:1, ndërsa në shtëpi barazoi 1:1 dhe kështu mbeti në shtëpi.

About Redaksia

Check Also

Mbappe nuk largohet vetëm nga Parisi

Në Francë, gjithçka rrotullohet rreth Kylian Mbappe. Vendimi i fundit i Luis Enriques për të …

Leave a Reply