Këlliçi reagon pas dokumentarit të ZDF: Me Ramën vendi ynë shkon pikiadë në çdo drejtim!

Deputeti i PD, Belind Këlliçi ka reaguar me një shenim në faqen e tij në Facebook pas publikimit të një dokumentari nga televizioni gjerman ZDF mbi kriminalitetin në vendin tonë.

“Një qeveri e inkriminuar, e kapur nga koka, nuk mund të luftojë krimin. Me Ramën, vendi ynë shkon pikiadë në çdo drejtim”, shkruan deputeti demokrat.

Postimi i plotë

Kur bota të bën me gisht

Gjigandi mediatik gjerman ZDF ka realizuar një dokumentar për krimin e organizuar shqiptar.
Sipas ZDF, vendi më i varfër në Europë “eksporton” kriminalitetin më të madh, duke mbajtur të forta traditën farefisnore dhe normat kanunore.

“Përpjekjet e Shqipërisë për t’u anëtarësuar në BE nën kryeministrin Edi Rama kanë dështuar gjithmonë edhe për shkak të hetimit të pamjaftueshëm të lidhjeve të trafikut”, thuhet ndër të tjera.

“Kultivimi masiv i kanabisit, veçanërisht në luginat e thella malore në veri dhe jug të vendit, i siguron popullatës fermere të ardhura më të mira se puna klasike në terren. Politika shqiptare në Tiranë ka vite që lëviz në këtë zonë tensioni”.

Shqiptarët e dinë se kryeministri Rama ka aplikuar me kohë strategjinë “kokat le të hanë”, si një ilaç popullor për të shëruar vendin nga kriminaliteti.

Një qeveri e inkriminuar, e kapur nga koka, nuk mund të luftojë krimin. Me Ramën, vendi ynë shkon pikiadë në çdo drejtim.

About Redaksia

Check Also

PD çon në Kushtetuese ligjin për komisionet hetimore

Opozita ka ankimuar këtë të premte në Gjykatëmn Kushtetuese ndryshimet në ligjin për komisionet hetimore …

Leave a Reply