Drejtori i PS grabiste në Spanjë kur ishte në detyrë…

Drejtori i Ujësjellësit të Kurbinit, Alfred Prodani i cili u arrestua tre ditë më parë, do të dalë sot para gjykatës për t’u njohur me rivlerësimin e masës së sigurisë. Arrestimi i tij është provizor me qëllim ekstradimi drejt Spanjës.

Burimet bëjnë me dije se Prodani është arrestuar për llogari të Interpolit pasi dyshohet se ka kryer vjedhje në Spanjë.

Edhe pse para disa kohesh Prodani është akuzuar nga ish-Kryeministri Berisha në 2019 për vjedhje, ai i ka mohuar këto akuza. Prej 9 vitesh, Alfred Prodani mbante postin e Drejtorit të Ujësjellës-Kanalizime në Kurbin, si përfaqësues i Partisë Socialiste.

Në denoncimin e Sali Berishës në vitin 2019, Alfred Prodani u akuzua se, ka vjedhur shtëpinë e sulmuesit të Real Madrid, Karim Benzema.

Po ashtu në këtë denoncim, veç drejtorit të Ujësjellës Kanalizimeve në Kurbin, Alfred Prodani, akuzohej edhe përgjegjësin e Pallatit të Kulturës. Në mesazhin që një qytetar nga Laçi i ka dërguar Berishës, thuhet se Prodani dhe Paja nuk janë në krye të detyrës, pasi ndodhen të arrestuar në Spanjë.

“Një pyetje nga qytetari i Laçit për Edvinin: Ku janë dy narkodrejtorë që janë zhdukur?!”, shkruan Berisha, duke vijuar me publikimin e denoncimit: “Përshëndetje z. Berisha, jam një qytetar nga Laçi. Ma pyet pak Kryeministrin ku ndodhen dy drejtorët, njëri prej të cilëve i Ujësjellësit, apo janë në burg në Spanjë, ku akuzohen për vjedhjen e shtëpisë së futbollistit të Real Madridit, Benzema. Qyteti i Laçit është pa dy drejtorë”.

Më 27 shkurt të 2019, gjatë kohës që po luhej derbi mes Real Madrid dhe Barcelonës, banesa e Benzemasë ra pre e një grabitjeje. Mediat spanjolle lidhur me ngjarjen nuk kanë publikuar detaje, por dyshohet se në këtë ngjarje janë të përfshirë shtetas nga Shqipëria.

Po në vitin 2019, korespondenti i Panorama tentoi të kontaktojë me përgjegjësin e Ujësjellësit në Kurbin, Alfred Prodani, numri i tij i telefonit rezultoi i fikur. Burime bënë me dije se 37-vjeçari nga Laçi ndodhej në Spanjë.

About Redaksia

Check Also

Vendimi dhe firma që çon Ramën në burg

Sekretari i Përgjithshëm i Këshillit të Ministrave, ëngjëll Agaçi ishte në SPAK këtë të premte, …

Leave a Reply