Gjata-Ramës: Duhet të ndiqesh penalisht për moskallëzim krimi

Anëtari i Këshillit Kombëtar të PD, Çlirim Gjata komentoi me Juli Krisafin në Syri Tv kërcënimet e Ramës ndaj SPAK. Gjata deklaroi se, SPAK ka një mëkat të madh, që ka grushtin e tij të tmerrshëm në lirinë dhe drejtësinë e zgjedhjeve shqiptare, ‘që në Shqipëri nuk bëhen zgjedhje’.

“Nëse ti del për të disatën herë dhe thua pse nuk arreston Berishën e nuk heton Metën, shantazh është. Nuk do ishte shantazh nëse do merrte një dosje, dhe shiko çfarë shkeljesh janë bërë, na SPAK, ja ku e ke, hetoje. Jo arresto këtë e atë pa fakte”, tha Gjata.

Më tej ai deklaroi se është shkelje penale nëse Rama ka informacione për shkelje dhe nuk i denoncon. Më tej Gjata u shpreh se, nuk mund të kërkojë drejtësi Rama me Ulsi Manjën në krah.

“Nëse ti konstaton që ka shkelje penale dhe nuk e kallëzon, je fajtor dhe duhet të ndiqesh penalisht për moskallëzim krimi”, deklaroi Gjata.