Berisha, sot në 18:00 takim me demokratët në Fier

Turi i liderit historik PD, Sali Berisha, pritet të vazhdojë sot në Fier. Berisha ka shpallur kandidaturën për kreun e PD. Zgjedhjet do mbahen më 22 maj.

Fushata ka nisur një ditë më parë në Elbasan, ndërsa do vazhdojë sot në Fier.

“Turi i ri! Sot në ora 18:00, takim me demokratët në Kinoteatrin e Fierit! Ftohen qytetarët të marrin pjesë,” shkruan Berisha.

Brenda pak muajsh, Berisha ka zhvilluar disa ture në vend, duke nisur me Foltoren, duke vijuar me fushatën për zgjedhjet vendore dhe tani së fundmi me zgjedhjet për kreun e PD.