Vinicius Junior, lojtari më i mirë i ri i sezonit në Champions

Nuk kanë të ndalur shpërblimet për lojtarët e Real Madridit pas triumfit në Ligën e Kampionëve.

Karim Benzema u zgjodh lojtari më i mirë i sezonit në Champions.

Kurse, partneri i tij i repartit, Vinicius Junior është zgjedhur lojtari më i mirë i ri i sezonit në Champions.

Këtë përzgjedhje e ka bërë paneli i vëzhguesve teknikë të UEFA-s pas përfundimit të sezonit 2021/22 të ligës elitare evropiane.

Sulmuesi brazilian e pati një sezon të jashtëzakonshëm me “Los Blancos”.

Ai madje ia siguroi Realit titullin e 14-të të kampionit evropian pasi e shënoi golin e fitores 1:0 ndaj Liverpoolit në Paris.

Karim Benzema është zgjedhur lojtari më i mirë i sezonit 2021/22 në Ligën e Kampionëve. Këtë vendim e ka marrë paneli i vëzhguesve teknikë të UEFA-s.

Benzema është bërë lojtari i parë francez që e fitoi Këpucën e Artë të Ligës së Kampionëve në epokën e re të kësaj gare.

Francezi e shfaqi një formë të jashtëzakonshme duke e ndihmuar Real Madridin ta fitojë titullin e 14-të të kampionit evropian.

Ky njëherësh ishte i pesti për ish-futbollistin e Lyonit, i cili e mbylli sezonin me 15 gola të shënuara këtë edicion në Champions.

Ai shënoi edhe në finalen e Parisit ndaj Liverpoolit, por goli iu anulua shkaku i pozitës jashtë loje.

Benzema po shkon me hapa të sigurt drejt fitimit të Topit të Artë, të parit në karrierë.