Sazani digjet mes flakëve, zjarrshuarit “lodrojnë” në Facebook

Reagim i FRPD Vlorë

Stina e Verës si “përgjegjëse” e dhjetra zjarreve dhe kësaj radhe në Sazan, bën që instancat tona përgjegjëse dhe rrogëmarrëse për situata të tilla, të krihen e përdridhen, se kush hedh foton i pari në Facebook e kush minimizon flakët prej Facebook-ut, duke na kujtuar shprehjen se kush digjet e kush krihet.

Prej disa ditësh, Sazani si pasuria jonë kombëtare përpëlitet mes zjarreve. Mendjendriturit e pushtetit qendror e lokal, dërgojnë punonjës e mjete tokësore në mes të detit e ishullit, duke harxhuar kohë, energji e duke mos patur efiçencën e nevojshme të vënies nën kontroll. Zjarrshuarit nëpërmjet Facebook-ut bëjnë sikur harrojnë se zgjidhja e vetme për vendosjen nën kontroll të zjarrit, qysh në ditën e vatrën e parë mbetet shuarja e tij nëpërmjet ajrit.

Përherë, gjatë stinës së verës, zjarret në zona të caktuara, si fenomene të shpeshta të kësaj stine, asnjë lloji ndërgjegjësimi, gatishmërie e planzbatimi emergjence nga subjektet e pushtetit lokal e qendror.
Zjarri aktiv prej 3 ditësh dëshmon paaftësinë organizative të emergjencave civile dhe gatishmërinë menaxheriale të dalë jashtë kontrollit të tyre.

Përveçse postimeve, të cilat sa vijnë e bëhen më të larmishme në faqet e pushtetit lokal, asnjë ndërhyrje nga ajri për këtë rast tipik, zgjidhja e së cilës mbetet vetëm ndërhyrja nga ajri.

Apeli jonë qytetar ndaj emergjencave civile e instancave përgjegjëse mbetet ndërhyrja nga ajri, si e VETMJA zgjidhje e situatave të tilla emergjence.

Nderojmë punën e palodhur të zjarrëfikësve të ndodhur atje prej disa ditësh, duke vënë çdo minutë që kalon jetën e tyre në rrezik.Jemi mirënjohës pafund ndaj tyre!

Nuk ka asnjë përshkrim të disponueshëm

Nuk ka asnjë përshkrim të disponueshëm

Nuk ka asnjë përshkrim të disponueshëm

About Redaksia

Check Also

Lubonja shpërthen kundër Soros, reagimi…

Analisti Fatos Lubonja, i ftuar në emisionin Open, duke folur për Samitin për Rajonin të …

Leave a Reply