Gazeta RD
Kryetari i PD, Sali Berisha i bëri thirrje biznesit që të jetë pjesë e protestave kundër qeverisë.
“Pas Bjellorusisë së Lukashenkos, ne jemi i vetmi vend në Europë me regjim monist. Duke filluar që nga portieri i ministrisë, te ministri. Nga portieri i çdo institucioni të pavarur te titullari, nga portieri i gjykatës te drejtuesi i Gjykatës së Lartë. Të gjithë janë në duart e një partie. Jemi në monizëm, në një regjim të bazohet kryekëput në uzurpimin total të pushteteve nga një parti.
Nëse nuk vendosemi t’i kundërvihemi me protesta të fuqishëm, çdo vit e më e rëndë do bëhet gjendja jonë si shoqëri, si biznes, si intelektualë, si qytetarë,” tha Berisha.
Lideri i opozitës tha se, Shqipëria po vuan çmimet më të larta të karburanteve në Europë dhe botë pasi nuk reagohet.
“Digjet Sazani, kreu i qeverisë bredh poshtë e lart me avion. Çdo udhëtim i tij shkon 150 mijë euro minimumi. Por një avion kundër zjarreve nuk e marrin dot.
Gjithçka është në dorën e një njeriu, të një partie.
Ju ftoj bashkarisht të organizojmë rezistencën ndaj këtij regjimi, që sot është monizëm total. I tillë ekziston vetëm në Bjellorusinë e Lukashenkos. Nuk duhet të kemi asnjë kompleks, vërtet ai është rreshtuar me Putinin, por sepse jemi vend i NATO-s, duhet të mbrojmë vlerat e përbashkëta të lirisë”, tha Berisha.
