Boçi: Shqipëria me çmimin më të lartë të naftës në rajon, e fundit për ndihmën e qytetarëve

Nënkryetari i PD, Luçiano Boçi ka reaguar pas çmimeve të rritura të karburanteve ku Shqipëria zë vendin e parë në rajon.

Boçi shkruan në një postim në Facebook se, Shqipëria renditet e fundit në masën e ndihmës monetare të ofruar për shtetasit e bizneset, në përballimin e krizës së shkaktuar nga lufta ne Ukrainë.

Reagimi

Shqipëria kryeson listën e çmimeve të karburanteve në rajon e më gjërë.

Jo vetëm për naftën.

Lista e produkteve më çmime të larta, pëfshijnë mallrat e shportës e shumë të tjera po kaq jetikë.

Ndërkohë, Shqipëria renditet e fundit në masën e ndihmës monetare të ofruar për shtetasit e bizneset, në përballimin e krizës së shkaktuar nga agresioni ushtarak i Rusisë ndaj Ukrainës.