Shqipërisë i ka ngleur dhëndri zdap në derë!

Nga Alba KEPI

“Ballkanin i hapur është burrë, Bashkimi Europian është nusja e Këshilli i Europës, është dasma.

“Bullgaria nuk është femër e bukur, por një burrë me probleme, ndërsa Maqedonia e Veriut është e stresuar shumë se nuk po e pranojnë në Europë. Po këta të BE? Aha më keq akoma, nuk kanë më takat për asgjë e shyqyr që kur i vizitojnë shqiptarët, u japin kurajo e shpresa për të shtyrë jetën!”

Duket si barceleta e rradhës e një tavoline banale ku disa të papunë janë mbledhur për të kaluar orët e vapës.

Por nuk është gjë tjetër vetëm deklarata e KM shqiptar në takimin e larte institucional të Ballkanit.

Fjala e tij që anashkaloj në cdo gërmë gjysmën e zemrës së shqiptarëve, Kosovën, frymëzohej sot nga pathosi i arrogancës, shfryrjes, dufit të dikujt që është zënë në faj e kërkon të largoj vëmendjen e gjithcka ka ndodhur, tek dikush tjetër!

Nuk di kush plan, shtet o lider botëror, ja ka dhënë kaq fort kurajon KM, të flas me pak respekt për vende europiane, liderë e kombe që prej gati shtatëdhjetë vitesh garantojnë paqen në territor e kontribuan për të ndaluar luftrat ballkanike me tragjedi që rrjedhin gjak shqiptarie.

Deklarata në kufijtë e “vero simile”, që mund të ndezin shkëndinjtë e një skandali diplomatik me shumë vende, por vec mospërfillja e mos serioziteti me të cilat po qasemi me botën do e bëj të kaloj dhe kësaj here si flluksa e një sapuni të hedh nga ballkoni i hapur i komshiut llapaqen e xheloz.

E ndersa ligjëronte mbi Japonin e Amerikën, Francën e Gjermaninë, bordi i kolltukarëve të transparencës së naftës u mblodhën jo për të komunikuar uljen e cmimit por ngritjen e saj. E ndërkohë që në një lagje në qëndër të Tiranës, pra të kryeqytetit, një pensioniste e mbaroj pensionin 8 ditë nga marrja e tij, e deri në fillim të muajit tjetër do të blej ushqime me defter!

Kur do harrosh botën e të merresh me hallet e shqiptarëve o globalist!?

E në emër të shqiptarëve për hapje e mbyllje Ballkani do të mund të flisje vetëm nëse do ta hidhje në Referendum!

Atëherë po kishte të drejtë të thoje; Shqipërisë i ka ngleur dhëndri zdap në derë!

E ka thënë vete ai këtë të fundit jo unë!