Russian President Vladimir Putin (R) and Russian Prime Minister Mikhail Kasyanov (L) look at the soldiers as they march during lay wreath ceremony at the Tomb of Unknown Soldier near the Kremlin wall in Moscow 8 May 2003. Russians celebrate Victory Day on 9 May. (Photo by MAXIM MARMUR / AFP)

Ish-kryeministri rus tregon sa mund të zgjasë lufta në Ukrainë

Mikhail Kasyanov ishte kryeministri i parë i Presidentit rus Vladimir Putin, por ai kurrë nuk e kishte imagjinuar, edhe në makthet e tij më të këqija, që ish-shefi i tij do të niste një luftë në shkallë të gjerë kundër Ukrainës.

Duke folur për Agence France-Presse (AFP) në një intervistë, Kasyanov, kryeministër i Rusisë nga viti 2000 në 2004, tha se ai priste që lufta mund të zgjaste deri në dy vjet, por ai ishte i bindur se Rusia mund të kthehej në një rrugë demokratike.

64-vjeçari, i cili mbrojti lidhjet e ngushta me Perëndimin si kryeministër, tha se, si shumë rusë të tjerë, ai nuk besonte në javët përpara luftës se ajo do të ndodhte në të vërtetë.

Kasyanov e kuptoi se Putini nuk po bënte bllof vetëm kur e pa atë të thërriste lidershipin më të lartë të vendit për një mbledhje teatrale të këshillit të sigurisë tre ditë përpara pushtimit më 24 shkurt.

“Kur pashë mbledhjen e Këshillit të Sigurimit të Rusisë, kuptova se po, do të ketë një luftë”, tha Kasyanov.

Ai shtoi se ndjente se Putini tashmë nuk po mendonte siç duhet.

“Unë thjesht i njoh këta njerëz dhe duke i parë ata pashë se Putini tashmë e ka humbur. Jo në kuptimin mjekësor, por në aspektin politik. Kam njohur një Putin ndryshe”, tha Kasyanov

Pasi u shkarkua nga Putin, Kasyanov iu bashkua opozitës ruse dhe u bë një nga kritikët më të zëshëm të Kremlinit.

Ai tani është kreu i partisë opozitare “Liria e Popullit”, ose “Parnas”.

About Redaksia2

Check Also

Votimi/OKB njeh gjenocidin në Serbenicë, Vuçiç mbulohet me flamurin e turpit

Asambleja e Përgjithshme e Kombeve të Bashkuara ka miratuar rezolutën që njeh gjenocidin në Srebrenicë. …

Leave a Reply