Manjani: Drejtësia jonë me frymë bolshevike, fytyrë kineze dhe që flet anglisht

Ish-ministri i Drejtësisë, Ylli Manjani deklaroi në tryezën e organizuar nga Partia Demokratike ku u diskutua për problematikat e sistemit të drejtësisë, se reforma në drejtësi ka dështuar.

Sipas Manjanit, ligjet janë bolshevike.

Më tej ish-ministri i Drejtësisë tha se duhet një reformë e re në drejtësi, një sistem i ri drejtësie dhe një Kushtetutë e re.

“Të torturojnë proceduralisht në mënyrë të tmerrshme të mundshme. Të arrestojnë që do gjejmë prova, ku i ke provat?

Kur arrestohesh do të thotë ke ngritur akuzë. Kur ngre akuzë, minimalisht ke dy prova direkte.

Drejtësia popullore e shokut Enver, kjo është fiks.

Duhet filluar me një Kushtetutë të re, me një sistem të ri drejtësie”, deklaroi Manjani.