Gazeta RD
Nga Luçiano BOÇI
Rama ka ironizuar nga Prishtina akuzat dhe mbajtjen në qeli të Thaçit dhe Veselit. Dick Marty dhe Tribunali i Hagës është e vërtetë që meritojnë nota shpërfillje e ironike me akuzat qesharake ndaj luftëtarëve të UÇK-së.
Por a mjafton vetëm një ironi në këtë rast?!
E për më tepër a është ky thjeshtë opinion kalimtar, apo qëndrim zyrtar i një Kryeministri?!
Mos harrojmë që me të njëjitin nivel ironie, Rama ka zhvlerësuar genocidin serb në Kosovë e masakrat e Reçakut, Krushës, Çerezit, Prekazit, Izbicës etj, zhvlerësime që u pasuan me deklarata të ngjashme të Kryeministres serbe dhe të pararendura nga VUÇIÇ.
Përkundrejt kësaj ironie aspak efektive dhe më shumë e stilit gazetaresk, Rama duhet të kishte artikuluar qartë qëndrimin e tij kundër akuzave qesharake të Dick Marty dhe Hagës, në mbrojtje të vlerave dhe luftës së UÇK.
Dhe më kryesorja:
Pas refuzimit të rezolutave të PD prej tij e PS, që dënojnë genocidin e masakrat serbe në Kosovë e Bosnje, Rama duhej të ishte i prerë dhe taksativ në qëndrimin e tij për këto genocide.
Por preferoi të heshtë, duke tentuar ta kalojë situatën me të qeshura ironike pa vend, ndërsa “miqtë” e tij dhe drejtuesit e UÇK, përballen sot prapa hekurave, me akuza të fabrikuara nga lobet serbe dhe sivëllau i tij VUÇIÇ.
Asnjë fjalë nuk nxorri nga goja dhe fjalët GENOCID, MASAKËR, REÇAK, KRUSHË, PREKAZ i ka futur në fondin e të ndaluarave
Nuk foli jo se nuk i di, por se nuk do.
I dëmtohet “Open Balkan” i Vuçiç dhe vetë Serbia e dashur e tij!
