Gazeta RD
Nga Iva V.GRILLO
Është interesante (dhe deri diku e sikletshme) të shohësh dinamikën e marifeteve që bën Kryeministri i Shqipërisë për ti rënë në sy njerezve më të rëndësishëm të botës.
Dikush mund të thotë që kjo është normale sepse këto janë mundësi që vijnë rrallë në jetë për një Kryeministër të një vendi të vogël dhe interesat që përfaqëson…
E vërtetë, por edhe sjellja prej kaleci apo maniaku po të doni, i cili pasi ka identifikuar “gjahun” nuk i ndahet… deri sa të “shtijë në dore”, nuk duket fort e përshtatshme.
Shqipëria ka halle të mëdha dhe mënyra sesi Kryeministri ynë ndjek këmba-këmbës një personalitet botëror nuk prish apo ndreq gjë, por gjithsesi jam e bindur se edhe shqiptari më i thjeshtë dhe i pamësuar me këto mjedise, do të sillej më me dinjitet sesa ky “ndjekës serial” personalitetesh botërore.
