Gazeta RD
Agjencia e njohur e Brukselit, EurActiv, raporton se ish-kreu i Prokurorisë së Tiranës, Petrit Fushe, është nën akuzë për fshehje të pasurisë. Sipas agjencisë, Fusha po hetohet për fshehjen e një resorti, të quajtur Mai Tai, në rrethinat e Tiranës.
Vendimi për akuzat ndaj tij erdhi pasi një hetimi për vëllanë e Fushës, që akuzohet se ka qenë i përfshirë në trafik droge në Spanjë.
“Në gusht të vitit 2016, media aludoi se Fusha kishte ndërhyrë në hetimin për vdekjen e 17-vjeçarit Ardit Gjoklaj, trupi i të cilit u gjet në plehra në Sharrë, ku ishte i punësuar ilegalisht.
Hetimet për vdekjen u drejtuan nga Fusha, kushëriri i Shkëlqim Fushës, pronar i kompanisë së ndërtimit Fusha. Kjo kompani është përgjegjëse për shumë projekte ndërtimi nën drejtimin e kryebashkiakut Erion Veliaj.
Disa muaj para vdekjes së Gjoklajt, Veliaj e kishte shpallur landfillin e Sharrës një sipërmarrje model, ku të gjithë punojnë me kontrata ligjore dhe sigurime shoqërore. Ai posaçërisht u bëri thirrje njerëzve që të aplikojnë për punë. Pas vdekjes së Gjoklajt, Veliaj u ‘zhduk’ për disa ditë nga mediat.
Në dhjetor të vitit 2016, teksa hetimi vazhdonte, Veliaj dhe Fusha u fotografuan duke drekuar së bashku në një nga restorantet e Tiranës”, shkruan agjencia.
