Varfëria masive, Berisha-Ramës: Revolta e qytetarëve do të vendosë

Kryetari i PD, Berisha ka paralajmëruar sot Ramën se do të jetë revolta qytetare ajo që do të vendosë për kërkesat e bëra nga PD për zbutjen e krizës ekonomike, ku njëra kërkesë është ajo e subvencionit për biletat e urbanëve dhe tjetra për përgjysmimin e taksave të karburanteve.

“Unë jam i vetëdijshëm se Edi Rama me arrogancën e tij dhe vesin e tmerrshëm të vjedhjes dhe pasurimit duke vjedhur fondet dhe pasuritë publike, nuk merr dhe nuk do marrë parasysh këto kërkesa.
Por unë e garantoj se qytetarët shqiptarë, me revoltën e tyre të ardhshme, do vendosin për këto kërkesa dhe kërkesa të tjera të programit të emergjencës së PD, siç është indeksimi i çmimeve dhe masa të tjera shumë të rëndësishme”,tha Berisha.