PD hap dyert dhe Foltoren për të gjithë qytetarët: “Na shkruani, na telefoni, ejani në seli”

• PD hap dyert dhe Foltoren, për të gjithë qytetarët që duan të denoncojnë abuzimin e pushtetit politik. “Na shkruani, na telefoni, ejani në seli”.

Deklaratë e Sekretares për Marrëdhënien me Publikun, Jola Hysaj

Partia Demokratike, si forca e parë opozitare në Shqipëri, e vlerëson si të pamohueshëm rolin e e disidencës civile, të protestës qyetetare dhe të denoncimit të abuzimeve të pushtetit.

Duke pasqyruar këtë filozofi politike, në javët para protestës ne e hapëm Foltoren, në selinë qendrore të PDSh, për qytetarët që donin të thonin diçka publikisht, apo të jepnin mesazhin e ftesës dhe pjesëmarrjes në protestën e 7 korrikut.

Siç e tregoi sheshi, Partia Demokratike dhe shoqëria, u bënë bashkë më 7 korrik, duke e rikonfirmuar njëra-tjetërn si të rëndësishme, dhe disidencën publike dhe qytetares si të pazëvendësueshme.

Në këtë hulli, Partia Demokratike do të vazhdojë të ftojë dhe të hapë dyert dhe Foltoren, për të gjithë ata qytetarë që duan të reagojnë dhe të ngrenë zërin.

Si ata që kanë një thirrje publike për të bërë,
Ashtu dhe ata që duan të denoncojnë një abuzim të pushtetit politik;

Si ata që duan të ngrenë krye ndaj një padrejtësie,
ashtu dhe ata që nëpërkëmben në labirintet dhe vonesat e drejtësisë.

Partia Demokratike i fton të gjithë në këtë Foltore, që do të jetë nga sot Foltorja Jote.

Na shkruani, na telefoni, ejani në seli.

Është një krizë politike, shoqërore dhe ekonomike, barrën e së cilës mund ta mbajmë vetëm së bashku!

Partia Demokratike, me anë të këtij akti ju fton dhe ju thotë:

Jemi këtu për t’i dalë Zot Shqipërisë!

About Redaksia

Check Also

Berisha i kujton Yuri Kim çfarë ndodhi në ’97: Një ambasadore u largua, por jo SHBA

Kryetari i PD, Berisha i kujtoi ambasadores Yuri Kim se nuk ka pasur asnjë ndërprerje …

Leave a Reply

Your email address will not be published.