Berisha takim me partitë opozitare: Nuk tërhiqemi nga primaret, mirëpresin këdo që të kandidojë

Kryetari i Partisë Demokratike, Sali Berisha po zhvillon një tryezë takimi me partitë opozitare të cilat nuk janë të përfshira në parlament. Qëllimi i takimit është unifikimi i partive opozitare për të dalë të bashkuar në zgjedhjet lokale që janë vitin tjetër.

Pak para takimit me përfaqësuesit e partive, kreu i PD-së, Sali Berisha ka folur për gazetarët që ishin jashtë selisë.

Pyetjet: Zoti Bardhi është emëruar si përfaqësues i grupit tjetër?

Berisha: As kam kushte dhe as nuk marr kushte.

Mirëpres cilindo që dëshiron të kandidojë apo të propozojë, të debatojë. Hapje e plotë dhe totale.

Pyetje: Nuk tërhiqeni nga primaret?

Berisha: Nuk mund të tërhiqem nga primaret, janë kusht i ekzistencës.

Nuk tërhiqet kush nga primaret.

Nuk ka kërkuar njeri të tërhiqet nga primaret. Nuk kam dëgjuar asnjë njeri.