Berisha: Shumë shpejt do t’u prijmë protestave të shqiptarëve, mjaft janë tallur

Kryetari i PD, Sali Berisha deklaroi sot se shumë shpejt opozita do t’i prijë protestave të shqiptarëve. “Mjaft janë tallur me shqiptarët”, tha Berisha. Kryetari i PD i bëri komentet pas mbështetjes që i dha grevës së pedagogëve dhe denoncimit të aferës së inceneratorëve ku ai akuzoi direkt Ramën dhe Agaçin si përgjejësit kryesore të kësaj skeme korruptive.

Kryetari i Partisë Demokratike, Sali Berisha ka dalë sot në një konferencë për mediat, ku ka mbështetur protestën e pedagogëve të universiteteve publike në vend.

Sipas Berishës, paga e pedagogëve shqiptarë nuk krahasohet me ato të rajonit, pasi janë më të ulëta.

“Sot universitetet e vendit ishin në grevë dhe unë dua të përshëndes të gjithë ata pedagogë, mbrojtës të universiteteve dhe studentë që iu përgjigjen thirrjes së sindikatave për të nisur një grevë të fuqishme që ka për objektiv realizimin e kërkesave të tyre. Pas qëndrimit cinik arrogant të qeverisë, Sindikata vendosi të thërrasë për bojkot të mësimeve në Universitetet e vendit. Ky vendim është i rëndësishëm dhe synon të parandalojë shuarjen e universiteteve tona. Pedagog e studentë po kërkojnë ato që sot gëzojnë kolegë të tyre të Universitetit të Prishtinës. Sot pagat janë dy herë më larta në prishtinë se sa në Tiranë . për shkak të rritjes së çmimeve qeveria në Kosovë vendosi të japë 100 euro për studentët. Në Shqipëri qindra mln euro vidhen për re djegësa që nuk ekzistojnë, vidhen mln euro dhe shpërdorohen, 4 mln për xhepin dhe syrin e Ramës, për instalacion druri”, tha Berisha.

About Redaksia2

Check Also

Pollo: Ngatërresa “Ballkan Hapu” lipset të kundërshtohet më fort nga politikanët maqedonas e serbë!

Ngatërresa “Ballkan Hapu” lipset të kundërshtohet edhe më fort nga politikanët e aktorët publikë maqedonas …

Leave a Reply

Your email address will not be published.