Berisha: Rama konfiskoi lirinë akademike, emëroi komisarë dhe borde qeveritare

Kryetari i PD, Sali Berisha gjatë takimit me përfaqësues të Departamentit të Arsimit, tha se, sot arsimi, ashtu si shoqëria shqiptare përjeton në një mënyrë me shpejtësi të pabesueshme një rrënim krejtësisht me meit të diktuar nga politika, fund e krye të dëmshme dhe shkatërruese.

“Është kënaqësi e veçantë për mua, t’ju përshëndes, t’ju shpreh mirënjohjen, falenderimin për angazhimin tuaj në këtë Departament i cili ka një rëndësi të jashtëzakonshme për ne, për programin e PD-së, për një nga çështjet më themelore të çdo kombi e shoqërie, që është arsimi në përgjithësi dhe ai i larti në veçanti.
Sot arsimi, ashtu si shoqëria shqiptare përjeton në një mënyrë me shpejtësi të pabesueshme një rrënim krejtësisht me meit të diktuar nga politika, fund e krye të dëmshme dhe shkatërruese. Nëse marrim së bashku treguesit në tërësi, do të gjejmë se, asnjë luftë civile nuk mund t’i rrënojë kaq thellë dhe shpejtësi, treguesit e një kombi. Dihet që luftërat civile janë më shkatërrimtare për një komb.
Këtu në 8 vite është larguar 27% e popullsisë, janë mbyllur me qindra e qindra shkolla, është përgjysmuar numri i studentëve. Me mijëra intelektualë të diplomuar janë larguar nga Shqipëria. Në 8 vite, njësoj si në diktaturë, pasi kanë një tipar, ose ndalojnë ose ngadalësojnë kohën.
Gjatë viteve të diktaturës çdo gazetar që vinte në Shqipëri, e niste shkrimin; në vendin e kohës së ndaluar. Po të marrim treguesit tek ne, e vërteta është që ne sot jemi në vendin më shumë se të ndaluar, me treguesit që kemi, i kemi rrënuar këto tregues me politika qeveritare.
Ju jeni vetë dëshmitarë se si kjo qeveri konfiskoi lirinë akademike, nëpërmjet komisarëve dhe bordeve qeveritare. Se si ky njeri, i cili me mburrje thotë se skam asnjë master, doktoraturë, ndaloi me një urdhër prej injoranti, hakmarrësi, doktoraturat në universitetet publike. Një vendim të tillë e merr veç ai që nuk ka abc-në e kërkimit shkencor dhe jetës akademike. Ose e merr ai që i urren të dyja.
Një njeri i cili e shterroi fondin për shkencën, në mënyrë absolutisht më shumë se në diktaturë. Kërkimi shkencor në atë kohë ka qenë më i decentralizuar se sot. Për mua vendoste vetëm zv/dekani i cili firmoste dhe unë vazhdoja punën. Kjo është e vërteta”, u shpreh Berisha.

About Redaksia

Check Also

Bardhi i nxjerr shifrat Iris Luarasit: Qindra mijëra euro nga buxheti i shtetit, je rrogtare e Ramës!

Kreu i grupit parlamentar të PD-së, Gazment Bardhi, i ftuar në emisionin “Opinion”, po flet …

Leave a Reply