Nis para komisariatit të Lezhës protesta për Lear Kurtin: E vrau policia, e rrahu barbarisht

Protesta për vrasjen nga policia të 32-vjeçarit Lear Kurti  ka nisur nga Lezha. Dhjetëra të rinj janë mbledhur para komisariatit të qytetit, ku kanë ndezur qirinj dhe kanë zhvilluar homazhe për 32-vjeçarin që vdiq në duart e efektivëve në Tiranë. Në një prononcim për media, një prej të rinjve tha se Kurti është vrarë barbarisht nga Policia.

“Sot protestojmë për vrasjen e Learit, ne jemi mbledhur këtu për të bërë homazhe për vdekjen e atij që u vra barbarisht nga policia. Nga kjo polici e cila është një polici e krimit. Mund të ishte secili nga ne në vend të Learit. Po mos të ngrihemi ne rinia, kush do ngrihet? Po mos të ngrihemi tani, kur do ngrihemi? Duhet të ngrihemi të gjithë në këmbë të protestojmë për këtë vrasje makabër”, tha ai.

Sot në orën 20:00 do të zhvillohet protestë kombëtare për Kurtin. Lear Kurti humbi jetën pasi u shoqërua nga efektivët në komisariatin nr.3. Ai u ndalua në orën 23:07 të mbrëmjes së 19 tetorit nga efektivët, në rrugën “Riza Çuka” në Laprakë, por ka vrapuar. Siç sqarohet në njoftimin e policisë, i riu është kapur pas ndjekje, është dërguar në komisariat, ku ka shfaqur problemet e para shëndetësore. Fillimisht u aludua se i riu vuante nga epilepsia, më pas, në deklaratën zyrtare u tha se i riu kishte gëlltitur një qese me lëndë narkotike. kontradikta është në faktin që efektivët pretendojnë se ka ndërruar jetë në spital, ndërsa bluzat e bardha të Traumës thonë se Kurti ka mbërritur pa shenja jete në duart e tyre. Paraprakisht, nga hetimet e derimë tanishme, është deklaruar se në trupin e viktimës nuk kishte shenja dhune. Por për kryedemokratin Sali Berisha, Kurti u vra nga Policia dhe ngjarja po mundohet që të mbulohet ashtu si rasti i Klodian Rashës, 2 vite më parë, i cili u qëllua për vdekje nga një efektiv policie.

About Redaksia

Check Also

Hohmann: BERZH program 10 milionë euro për potencialin turistik të Shkodrës

Pas vizitave që Ambasadorja e BE-së Christiane Hohmann zhvilloi javën e shkuar në bashkinë e …

Leave a Reply

Your email address will not be published.