Ronaldo te Chelsea, tani mund të arrihet

Cristiano Ronaldo dëshironte të transferohej te Chelsea gjatë verës, por një gjë të tillë e kishte penguar trajneri Thomas Tuchel. Në fund, ylli portugez mbeti në Manchester United, ku nuk është aspak i lumtur.

37 vjeçari madje mbeti jashtë ekipit në duel me Chelsean pasi u suspendua nga klubi për ndeshjen me Tottenhamin, ku kishte refuzuar të futej në lojë dhe ishte larguar nga bankina pa u kryer loja.

Pasi i ka prishur punët përfundimisht me trajnerin Erik ten Hag, ish-futbollisti i Sporting Lisbonës, Real Madridit dhe Juventusit i ka bërë valixhet gati për t’u larguar nga “Old Trafford” pas përfundimit të Kupës së Botës.

Largimi i tij në janar duket të jetë i pashmangshëm dhe pesë herë fituesi i Topit të Artë mund të përfundojë në “Stamford Bridge”.

Chelsea e pronarit të ri, Todd Boehly, shumë i afërt me menaxherin Jorge Mendes, mund ta marrë “CR7” për pjesën e dytë të sezonit, e me gjasë edhe më gjatë.

Lajmin e ka bërë të ditur media britanike “Daily Mail”, e cila shkruan se, pronari i ri i “Blues” ka ndërmend të provojë ta sjell lojtarin në Londër gjatë janarit pasi një gjë të tillë ia kishte pamundësuar ish-trajneri Thomas Tuchel gjatë verës.

Ronaldo është ende në kërkim të një klubi që luan në Ligën e Kampionëve dhe Chelsea do t’ia ofronte një mundësi të tillë.

About Redaksia

Check Also

Botërori Katar 2022, tribuna e çnderimit

Kupa e Botës që po zhvillohet në Gji është vetëm një ngjarje fasadë që fsheh …

Leave a Reply

Your email address will not be published.