Gazeta RD
Është dënuar me 8 vite e 8 muaj burg, Hekuran Marku, ish-truproja i ish-ministrit të Brendshëm, Saimir Tahiri. Sot pritej vendimi i togave zë zeza të GJKKO-së, aty ku u vendos për dënimin e tij.
Prokuroria kërkoi 12 vite heqje lirie për Markun, por ai përfitoi zbritje të dënimit me 1/3 për shkak të gjykimit të shkurtuar. Ai akuzohet për trafik narkotikësh në kuadër të grupit të strukturuar kriminal.
Ndaj tij nisën hetimet si pjesë e një grupi kriminal, bashkë me ish-truprojën tjetër të Saimir Tahirit, Agustin Dedën për të cilin ende zvarriten procedurat e ekstradimit. Më 1 prill Marku u ekstradua nga Gjermania, për t’u përballur me GJKKO me akuzat e ngritura nga SPAK.
