Gazeta RD
Nga Enver BYTYÇI
“Demokratët” e Alibashës në mbrëmje hanë mish me ujkun, në mëngjes lehin me qentë dhe në drekë qajnë me bariun.
Ky cikël hipokrizie dhe intrige shfaqet në përpjekjet e grupit të AliBashës për të shpallur kandidatë alternativë me PD-në për zgjedhjet lokale të 14 majit 2023. Kjo intrigë Rama-Alibasha është kësisoj një thikë pas shpine për Partinë Demokratike dhe demokratët.
Të emëruarit kandidatë nga Alibeu e dinë se do të jenë humbësit më të mëdhenj të zgjedhjeve lokale. Nuk ka asnjë shans teorik që ndonjë prej tyre të marrë vota më shumë sesa kandidati demokrat i primareve e aq më pak ta fitojë ndonjë bashki. Eshtë e pamundur gjithashtu që Edi Rama pas shpërblimit me dollarë e euro t’u lejë ndonjë zonë të lirë për ta fituar. Kjo nuk mund të bëhet edhe për faktin se në një zonë të lirë për AliBashën, kandidati favorit i Ramës do të merrte Ndoc Rrokun.
Por kënaqësia e tyre lidhet me atë se kjo masë amorfe e opozitës kanë vendosur që të ushqehen së bashku me ujkun në pushtet duke thith “gjakun” e demokratëve të vërtetë, me qëllim që të pamundësojnë votat e nevojshme për t’i rrëzuar kandidatët e mazhorancës nga pushteti.
AliBasha dhe kandidatët e tyre janë bashkëpunëtorë të pushtetit. Janë përfituesit më të mëdhenj të tenderave dhe parave publike. Ata në errësirën e natës marrin shpërbilimin e kësaj pune kundër Partisë Demokratike. Ndërkohë që ngrihen në mëngjes dhe sulmojnë opozitën e vërtetë. Hanë e ngopen në errësirën e mbrëmjës dhe lehin në agimin e diellit.
Ndërsa diku nga dreka fillojnë dhe “qajnë” për “demokracinë”. Ama demokracinë nuk e respektojnë. Kandidatët i vendosin sipas parimit se sa pasuri ka ai.
