Gazeta RD
Kryetari i grupit parlamentar të PD, Enkelejd Alibeaj, deklaroi se ka refuzuar ftesën për të qenë në një tryeze të përbashkët me deputetët e kreut të PD-së, Sali Berisha.
“Unë sapo dal nga darka me demokratët e Durrësit dhe po shkoj te darka me demokratët e degës dy në Tiranë. Për darkën që ju thoni kam pasur një ftesë dhe e kam refuzuar. Sepse kur në ftesa ngrihen kurthe dhe prita nuk i pranoj. Kam aq mundësi sa t’i nuhas dhe t’i refuzoj,” tha Enkelejd Alibeaj në një prononcim për Liberale.al.
Deputeti Xhelal Mziu ka organizuar dje një drekë, ku të pranishëm kanë qenë deputetë që janë rreshtuar në krah të Berishës, por dhe deputetët e Partisë Demokratike të cilët janë pozicionuar në krah të Alibeajt.
