Gazeta RD
FJALA E KRYETARIT TË DEGËS LAÇ PRENG LALAJ
Të nderuar demokratë të Kurbinit, themelues, antarë dhe mbështetës të PD, miq dhe të ftuat, më lejoni që ti uroj mirëseardhjen në festën e 32- vjetorit të themelimit të PD dega Kurbin, liderit historik, kryetarit të PD, Prof. Dc. Sali Berisha!
I nderuar kryetari i PD, Zoti Sali Berisha, i nderuar Sekretar i Përgjithshëm i PD, z. Flamur Noka, është kënaqësi dhe nder për ne t’ju kemi këtu në mes nesh në Kurbinin e qëndrestarëve, demokratëve të vërtetë, të cilët në çdo moment, në ditët më të vështira, mbështetën e përkrahën pa asnjë rezervë PD.
Falenderim dhe mirënjohje të thellë të gjithë demokratëve, drejtuesve të degës, ish-kryetarëve te Bashkisë Kurbin, intelektualëve, të rinjve dhe të rejave që ishin gjithmonë krenaria dhe pararoja e Kurbinit!! Jemi sot këtu, në festën e demokratëve kurbinas që nuk ndalen, që si qëllim kanë t’ja bëjnë ditët më të shkurtra kësaj qeverie të kalbur nga vjedhja, droga, krimi, varfëria, poshtërimi, shkelja e dinjitetit njerëzor e largimit të shqiptarëve.
Të bashkojmë kontributet tona në besimin e pathyeshëm te liria, vota e lirë, në besimin se kauza jonë është e drejtë, se fitorja është e demokratëve!
Ta kthejmë PD në forcën e vetme shtetformuese dhe qeverisëse! Gëzuar 32-vjetorin e themelimit të PD!! Rroftë PD!
Rroftë Shqipëria!
Përpara me Profesor Doktor Sali Berishën!
