Gazeta RD
Tensione të larta u shënuan në seancën ku opozita kërkoi që të diskutohet për mega-skandalin e arrestimit të mikut të Edi Ramës, Charles McGonigal. Por kërkesa e opozitës u refuzua me forcat e kartonëve.
Megjithatë, kreu i opozitës, Sali Berisha vazhdoi transmetimin LIVE në median sociale nga foltorja e Kuvendit.
Kryetarja e Kuvendit, Lindita Nikolla tha se ka përjashtuar Berishën nga seanca. Por kreu opozitar vazhdoi fjalën e tij në foltore, ndërsa opozita mori kontrollin e seancës.
Kur Berisha i kërkoi Nikollës të përjashtojë Edi Ramën, deputetët e PD reaguan ashpër pas vijimit të seancës nga socialistët.
“Turp, turp, turp”, dëgjohen thirrjet në seancë.
Kryeministri Edi Rama nuk ishte i pranishëm në këtë séance, por kur opozita kërkoi që çështja e skandalit të vendosej në rend të ditës, mazhoranca përmes Lindita Nikollës dhe Taulant Ballës e mbrojtën me forcën e kartonëve. Ata nuk lejuan që skandali të diskutohej në Kuvend.
“Nuk shpëtoni dot nga kjo, ka interesa kombëtare kjo. Ju keni frikë, keni tmerr nga e vërteta!”, tha kreu i opozitës, Sali Berisha.
