Gazeta RD
Ndërsa një ditë më parë kryetari i PD, Sali Berisha u bëri thirrje të gjithë kryetarëve të degëve të partisë në Tiranë që të mobilizohen për të qenë të pranishëm në çdo seancë në dyert e parlamentit, për të vijuar serinë e protestave, të etiketuara prej tij si revolucion, ka ardhur edhe reagimi i selisë rozë.
Mësohet se kreu i grupit parlamentar Taulant Balla u ka thënë deputetëve që të jenë prezent në parlament që në orën 16:30 për të mos pasur përplasje me protestuesit, të cilët do të mblidhen në 17:00 para parlamentit.
Burime nga grupi i PS thanë për SYRI TV se, fillimisht do të nderohen viktimat e tërmetit tragjik në Turqi dhe në Siri.
Më pas, kur opozita të kërkojë që skandali Rama-McGonigal të jetë pjesë e diskutimeve, socialistët do të largohen kur opozita të bllokojë foltoren.
Duket se ky është një sinjal se, socialistët nuk do lënë hapësira për të diskutuar skandalin më të rëndë në historinë e marrëdhënieve mes dy vendeve.
Më herët u raportua se edhe kryeministri Edi Rama ka mundësi të mos jetë në seancë.
