Berisha: Mesazhi i 20 shkurtit është sot më aktual se kurrë!

Kryetari i PD, Sali Berisha tha se, mesazhi i 20 shkurtit është sot më aktual se kurrë. Berisha tha se, Edi Rama përbën rrezik madhor ekzistencial për çdo shqiptar.

“Mesazhi i 20 shkurtit është sot më aktual se kurrë.

Pas 32 vitesh, Edi Ramam, nipi i xhelatit që 32 vite më parë kërkonte të fuste tanket te studentët, i Spiro Kolekës pra, i biri i një xhelati tjetër që firmoste varjen në litar të poetit Havzi Nela, në një akt hakmarrje tipike të etërve, kërkon të asgjësojë opozitën shqiptare.

Ky pasardhës i denjë i bllokmenëve hoxhistë, është sot, pa diskutim njeriu që ka vjedhur shqiptarët më shumë se kushdo në historinë e tyre.

Me politikat që ka ndjekur ka tejkaluar platformën e Çubrilloviçit për shuarjen e kombit shqiptar.

Edi Rama përbën rrezik madhor ekzistencial për çdo shqiptar.

Edi Rama është fatkeqësi kombëtare, por edhe ndërkombëtare, me aktet që ka kryer, me korruptimin e shefit të kundërinteligjencës së partnerit tonë kryesore, SHBA, me qëllim rrënimin e opozitës shqiptare”, tha Berisha.

About Redaksia

Check Also

BIRN: Amendamentin për amnistimin e zyrtarëve të korruptuar e propozoi Ndreca

Relatori socialist në Komisionin e Ligjeve dhe ministri i Drejtësisë i hapën rrugën përfshirjes së …

Leave a Reply