Aksidenti në Tiranë, reagon Këlliçi: Burimi i aksidentit është xhungla urbane që nuk administrohet

Kandidati i PD për Bashkinë e Tiranës, Belind Këlliçi ka reaguar pas aksidentit të rëndë të ndodhur në bulevard mes një autobusi urban dhe disa makinave. Këlliçi ka uruar shërimin e shpejtë për të lënduarit.

Reagimi

Uroj me zemër shërim të shpejtë për të lënduarit në aksidentin e sapondodhur!

Jo një autobus, por krejt Tirana ka dalë nga korsia. Standardet e transportit publik kanë përfunduar me kohë në Lanë.

Një autobus i lyer jeshil nuk ka lidhje me konceptin e transportit të gjelbër.

Burimi i aksidentit është xhungla urbane me 1 milion banorë që nuk administrohet, që nuk shtohet me rrugë por vetëm me pallate. Janë ndërruar autobusët dhe kompanitë. Ndërroni edhe timonierin.