Votimi për kandidatin e PD, votim për rikthimin e vlerave të bashkisë dhe qytetarëve

Nga Bujar LESKAJ

Në 25.02.2023, në këmbët e Monumentit të Drashovicës, në një takim me anëtarë, simpatizantë e banorë të fshatrave të zonës prezantuam kandidatin e Partisë Demokratike për kryetar të Bashkisë së Selenicës, z. Leonard Rakipaj.

Në takim merrinin pjesë gjithashtu drejtues e ish- drejtues të strukturave të Partisë Demokratike, Kryetari i PD Dega Selenicë z. Guri Leskaj, ish- kryebashkiaku z. Gëzim Zilja, kandidati për bashkinë e Vlorës, z. Hysni Sharra, etj.

Theksova se kandidati i PD për bashkinë e Selenicës është një djalë i mirë i zonës, punëtor, mik, shok e fisnik i mirë, demokrat i vërtetë e i përkushtuar, i zgjedhur nga demokratët nëpërmjet Primareve.

Votimi për kandidatin e PD është votim për rikthimin e vlerave dhe të bashkisë qytetarëve, ndaj kërkova mbështetjen e të gjithë banorëve.

Gjatë fjalës së tij z. Leonard Rakipaj falenderoi demokratët për besimin dhe përgjegjësinë e madhe që i dhanë duke e votuar si kandidat për kryebashkiak.

Ai ka thënë se për të drejtuar Bashkinë e Selenicës mjafton të dish pikat problemore të zonës, të kësaj zone, e cila ka mbetur e harruar dhe e braktisur. Kjo zonë ka njerëz të ndershëm e punëtorë, të cilët kërkojnë infrastrukturë bashkëkohore, rrugë, ujë, mbështetje në zhvillimin e bujqësisë e blegtorisë, asistencë…

Kandidati i PD theksoi se me zgjedhjen e tij në krye të Bashkisë së Selenicës do të punojë, që të gjitha problemet e njësive administrative të zonës të marrin zgjidhje dhe se bashkia e re demokrate e dalë nga zgjedhjet e 14 majit do t’i rikthehet punës në shërbim të banorëve.

Në këto zgjedhje, demokratët dhe banorët e Selenicës dhe njësive administrative të Lumit të Vlorës do i rikthejnë bashkinë qytetarëve, do i rikthejnë pushtetin vendor qytetarëve dhe interesave të tyre!

Së bashku për fitoren!

default