Gazeta RD
I dërguari i Shteteve të Bashkuara për Ballkanin Perëndimor, Gabriel Escobar ka folur për herë të parë për aferën Rama-McGonigal.
Ai deklaroi se marrëdhëniet Shqipëri-SHBA nuk janë cenuar nga hetimi i nisur nga FBI-ja.
“Shqipëria është aleate e NATO-s dhe pjesë e Këshillit të Sigurimit. Çështja McGonigal, nuk e ka dëmtuar aspak marrëdhënien tonë të mirë me Shqipërinë. Shqipëria na ka ndihmuar shumë përgjatë Këshillit të Sigurimit. Megjithatë nuk dua të komentoj shumë McGonigal pasi është çështje që i takon FBI-së”, tha Escobar në një bashkëbisedim virtual me gazetarë.
