Berisha: Rama ha darka 10 mijë dollarëshe, nuk mund t’ia dijë atij që nuk ka vaktin e darkës

Kryetari i PD, Sali Berisha tha se, Rama ha darka 10 mijë dollarëshe, ndërsa nuk mund t’ia dijë atij që nuk ka vaktin e darkës. Ai tha se, sot shqiptarët largohen nga Shqipëria sepse realisht janë në gjendje dëshpërimi, varfërimi.
“Aty ku nuk ka drejtësi ka vetëgjyqësi, nuk ka të drejta njerëzore të respektuara, por kjo nuk do të thotë që ne as të shkojmë në vetëgjyqësi as të dorëzohemi, kjo do të thotë të vazhdojmë me vendosmëri revolucionin tonë, deri në largimin e Ramës nga pushteti.
Nuk është rrugë e lehtë, e thjeshtë, por ju garantoj se rrugë tjetër nuk ka. Ne jemi të vendosur për të mos u dorëzuar kurrë. Vështirësi të mëdha kemi. Me mijëra largohen nga Shqipëria. Në 2 vitet e fundit janë larguar 200 mijë. Në tërësi ata janë të rinj dhe kundërshtarë të këtij regjimi. Po prap, ajo e bën detyrën tonë më të vështirë, më të pamundur. Sepse ne rast se ne biem pamundësi, kjo rrokullisje e Shqipërisë nuk ndalet kurrë.
Kjo do të thotë se secili prej nesh ka një detyrim shumë më madhor, të bëjmë gjithçka për të përmbysur këtë regjim. Sot, shqiptarët largohen nga Shqipëria sepse realisht janë në gjendje dëshpërimi, varfërimi.
Ka dy lloj varfërishë. Ka një varfëri që ne ishim në vitin 1992, varfëria më ekstreme, që ishte një varfëri në pakësim. Në vitet 1994-97, popullata në Shqipëri filloi të rritet, njerëzit besonin se do të dilnin nga varfëria. Nuk është se ishim të pasur në vitin 2007, por përsëri ishte një varfëri në pakësim, njerëzit besonin se çdo vit do të ishte më mirë. Prandaj ata zgjidhin të vinin në Shqipëri, të ndërtonin të ardhme për veten dhe fëmijët.
Sot ka një varfëri të frikshme, që shtohet çdo ditë dhe ka një shkak themelor, vjedhjen, vjedhjen dhe vetëm vjedhjen nga Edi Rama dhe klika e tij. KLSH-ja, konstaton se në 9 muaj në vjedhur dhe shpërdoruar 122 miliardë leka, në 9 muaj jo 1 vit. Këto 122 miliardë lekë mjaftojnë për të rritur me 130% të gjitha rrogat në Shqipëri. Por çfarë ndodh, rrogat, pensionet nuk rriten. Përkundrazi për shkak të inflacionit ulen dhe bëhen më pak të vlefshme.
Kjo sepse njeriu i cili udhëton 137 me avion me dhomë gjumi luksoze, çarter në dispozicion, nuk mundet kurrë të çajë hallin e atij që numëron vaktet e bukës, e atij që i dridhet dora kur fëmija i kërkon një libër apo një dhuratë. Nuk mundet kurrë të ja dijë, atij që nuk gjen punë dhe nuk ka rrugë tjetër veç se të niset në dherat të tjera.
Ai i cili ulet me 10 mijë dollarë darkën, sigurisht që nuk mund të ja dijë atij që nuk ka vaktin e darkës, se përndryshe nuk do të ulej.
Asnjë kryeministri, as presidenti të SHBA-së nuk do të ja arrinte të paguante një darkë 10 mijë euro, se ka proporcion, nuk ja lejonte vetes një gjë të tillë. Kur je miliarder, bën çtë duash, por këto të tjerat, rrogën e merr nga qytetarët, nga paratë publike”, u shpreh Berisha.

About Redaksia

Check Also

Korreshi: Gazeta e Meros ngatërron qëllimisht opinionin publik për të justifikuar vdekjen e dy qytetarëve të pafajshëm

Deputeti i PD, Saimir Korreshi ka reaguar pas lajmeve të rreme që ka publikuar mediat …

Leave a Reply