Meta: Më 14 maj t’u rikthejmë qytetarëve dhe të rinjve shpresën për të ardhmen

Kryetari i Partisë së Lirisë Ilir Meta shprehet se në Vorë pritet me padurim ndryshimi nga zgjedhjet vendore. Teksa publikon pamje nga takimet e zhvilluara, Meta thotë se ata që falimentuan bashkinë e Vorës, në 14 Maj do të falimentojnë dhe veten e tyre.

“Ata që falimentuan bashkinë e Vorës, në 14 Maj do të falimentojnë dhe veten e tyre.

Vora me kryetarin e ri, z. Indrit Hoxha do të jetë pas 14 Majit lokomotivë e zhvillimit të vrullshëm ekonomik.

Bashkë do të fitojmë në Vorë, së bashku me banorët e mrekullueshëm dhe të palodhur të kësaj zone, të cilët si kudo në të gjithë Shqipërinë po përballen me kostot e larta të jetesës dhe rënien e fuqisë blerëse.

Në Vorë pritet me padurim ndryshimi, sepse banorët kanë nevojë urgjente për një Bashki funksionale dhe në shërbim të tyre.

Prandaj 14 Maji ka një rëndësi madhore për të gjithë qytetarët e Vorës. T’ia rikthejmë Vorës bashkinë, t’ua rikthejmë qytetarëve dhe të rinjve shpresën për të ardhmen. Bashkë Fitojmë!”, shprehet Ilir Meta.

About Redaksia

Check Also

Meta: Reforma Territoriale ka dështuar, rishikim i legjislacionit

Partia e Lirisë zhvilloi sot tryezën “Reforma Territoriale dhe sfidat e qeverisjes vendore”. Kreu i …

Leave a Reply