Berisha: Rama dhe Veliaj vetëm vjedhin, 14 maji shënon fillimin e fundit të tyre të shpejtë!

Kryetari i PD, Sali Berisha nga Kukësi ku prezantoi kandidatin e opozitës për kryetar bashkie, Admir Sinamati, ka folur edhe në lidhje me aferat e qeverisë së Edi Ramës. Berisha ka përmendur vjedhjet që bëhen me ndërtimin e rrugëve dhe me inceneratorët, duke akuzuar Edi Ramën dhe Erion Veliajn.

Berisha tha se 14 maji shënon fillimin e fundit të tyre të shpejtë, duke bërë thirrje për largimin e Ramës dhe Veliajt. Ai u shpreh se një kilometër i aksit Ibë-Farkë ka kushtuar rreth dy-fishi i kilometrit të tunelit të Kalimashit.

“Çfarë ndodhi nga 2014 e deri sot. Nga 2014 e gjer sot, ne përfunduam të fundit për rroga e pensione. Prandaj dhe rënkimet për vështirësi ekonomike sot, dëgjohen në çdo votër. Çdo pensionist, çdo familje, prandaj dhe shqiptarët ikin dhe vetëm ikin, sepse ai që merr një rrogë 500 mijë lek në muaj. Nga vjet deri sivjet, brenda 1 viti vetëm për rritje të çmimeve, merr 430 mijë lekë më pak, në 1 vit. Pra jo që nuk merr rrogën e 13 që e pat premtuar Rama në 2013, por në fakt humbet rrogën e 12. Në fakt është me 11 rroga.

Kjo për atë që merr 500 mijë. Po ai që merr pension, 170-200 mijë, ai humbet dy pensione. Pra kjo është vetëm në 1 vit, ky ndryshim është vetëm në 1 vit. Çfarë ndodh me shqiptarët, sot ata janë qytetarët më të vjedhur ndofta të planetit. Para ka, para ka shumë, ua them ju. Taksat i ka dyfishuar, po borxh. Borxh ka marrë 5 miliardë euro. Borxhin e ka rritur nga 62.6 në 107 %, po, po. Ku shkojnë paratë. Paratë shkojnë në xhepat e zyrtarëve dhe qeveritarëve.

Sepse 1 km rrugë ndërtohet 24 mln euro në fushë. Kudo 1 km rrugë ndërtohet me 2 milion euro, se 1 km rrugë e segmentit Ibë-Farkë në Tiranë, ka kushtuar dyfishin e 1 kilometër tunel në Kalimash. Sepse 1 km rrugë anësore, në autostradën Shkëmbi i Kavajës-Fier, kushton 7.2 mln euro, ndërkohë që autostrada ka kushtuar 2 mln euro kilometri.

Sepse një shkollë në Tiranë ndërtohet me 6 mln euro, ndërkohë që ajo po në Tiranë, por e ndërtuar nga PNUD-i, kushton 670 mijë euro, sepse ka manuale ndërtimi, ka çmime. Këta vjedhin në mënyrën më të papërmbajtur.

Vetëm afera e djegësve, këta rendin për tu bërë miliardierë. Vetëm djegësi i Tiranës, përllogaritjet e fundit, pas 30 vitesh u kushton qytetarëve të Tiranës, 1.2 miliardë euro. Të gjitha shkojnë në sipërmarrjen e Edi Ramës dhe Erion Veliajt. Këta vjedhin. Pra është koha të ngrihemi kundër këtyre hajdutëve, të arsyetojmë me njëri-tjetrin, me çdo socialist, me çdo paparti, me çdo demokrat, të mos pranojmë këtë rrënim. Të mos pranojmë këtë shkretim të Shqipërisë për shkak të varfërisë.

Qarku juaj, qarku i Kukësit, është qarku me burimet më të pallogaritshme pasurie. Ka kaskadën, një pasuri përrallore e cila prodhon qindra e qindra milionë euro në vit, në buxhetin kombëtar. Ka bjeshkët tuaja, ka Alpet, ka rezerva ujore të pafundme, ka çdo gjë. Po pse ikin që të gjithë nga kjo trevë? Sepse nuk ka investime, sepse koha është ndaluar, sepse njerëzit nuk paguhen, sepse jetën nuk e ndërtojnë. A duhet ta pranojmë më këtë situatë. Është emergjente. 14 maji shënon fillimin e fundit të tyre të shpejtë. Ti përzëmë”, u shpreh Berisha.

About Redaksia

Check Also

Këlliçi: Bashkia vijon të drejtohet nga një hajdut i pashembullt, Erion Veliaj!

Anëtari i kryesisë së PD, Bëlind Këlliçi gjatë fjalës në protestën që u zhvillua përpara …

Leave a Reply