Protestat në Francë, 111 të arrestuar

Nga Enton DOÇI
Lyon 

Policia ka arrestuar 111 persona në protestën kundër reformës së pensioneve në Francë. Punonjësit e sektorëve të arsimit, energjisë dhe transportit dolën në grevë kundër reformës së pensioneve të qeverisë në gjithë vendin, duke shënuar ditën e 11-të të protestave në vend.

Herë pas here kishte momente të tensionuara mes policisë dhe protestuesve në demonstratën e Parisit. Jean-Luc Melenchon, ish-kandidat presidencial nga partia Franca e Papërkulur (LFI), gjithashtu mori pjesë në demonstratë.

Po ashtu, disa demonstrues në kryeqytet hodhën gurë në drejtim të policisë, thyen xhamat e një banke dhe një dyqani dhe u vunë flakën disa pronave publike. Policia iu përgjigj protestuesve me gaz lotsjellës dhe plumba gome.

Ndërkohë, ministri i Brendshëm francez Gerald Darmanin tha në Twitter se 154 pjesëtarë të forcës së sigurisë janë plagosur dhe 111 persona janë arrestuar në demonstratat në gjithë vendin deri më tani.

Gjersa sindikatat njoftuan se rreth 2 milionë njerëz morën pjesë në protestat në gjithë vendin, ata u bënë thirrje francezëve të dalin në rrugë dhe të mbajnë grevë përsëri më 13 prill.

Sipas të dhënave të Ministrinë e Brendshme, cituar nga mediat franceze, në demonstratat në gjithë Francën kanë marrë pjesë 570 mijë persona.

Tensionet politike dhe sociale u rritën kur presidenti Emmanuel Macron dhe kryeministrja Elisabeth Borne vendosën të përdorin kompetenca të veçanta kushtetuese, përkatësisht nenin 49.3 më 16 mars, për t’ia hapur rrugën planit pa miratimin e parlamentit.

Vendimi u nxit nga frika se ligjvënësit do të mund të bllokonin reformat pasi qeveria nuk ka shumicë absolute në legjislaturë.

Protestat më pas u shndërruan në dhunë kur grupet mbushën të gjitha rrugët e vendit dhe policia u kritikua për arrestime arbitrare dhe përdorim joproporconal të forcës.

About Redaksia

Check Also

Obama i kërkon Biden të tërhiqet

Ish-presidenti Barack Obama u ka shprehur demokratëve privatisht shqetësimin në lidhje me rikandidimin e Presidentit …

Leave a Reply