Këlliçi: Transporti falas ul koston e jetesës, korsitë e biçikletave do të jenë funksionale!

Kandidati i opozitës për Tiranën, Belind Këlliçi vë theksin te shtresat e popullsisë që përfitojnë nga transporti urban falas. Në Panorama Tv, pyetjes së analistëve në studio se çfarë synon konkretisht transporti falas, Këlliçi u përgjigje se kjo nismë është për të lehtësuar koston e jetesës për mijëra familje në nevojë.

“Inkurajimi i përdorimit të transportit publik do të nxisë qytetarët të mos përdorin mjetet private, si rrjedhojë kjo ndikon në uljen e trafikut dhe dotjes në kryeqytet”, tha kandidati demokrat.

Korsitë e biçikletave janë një koncept i mirë, por i implementuar gabim në disa rrugë të Tiranës, tha Këlliçi.

Kandidati i opozitës ka shpjeguar se në turin e dëgjesave me bizneset në disa rrugë emblematike të Tiranës rezulton se korsitë e biçikletave nuk janë efikase.

“Ngushtimi i rrugëve, ndalim qëndrimi i automjeteve në këto rrugë po çon në falimentimin e bizneseve në këto rrugë. Për këtë arsye në disa rrugë të tilla do të harmonizohet infrastruktura që korsia e biçikletave të futet nëpër lagje”, theksoi Këlliçi.

About Redaksia

Check Also

Absurdi me 2 TEC-et lundruese në Vlorë! Qeraja 3-fish më e lartë se blerja

Dy termocentralet lundruese që janë vendosur në zonën e Triportit në Vlorë, jo vetëm që …

Leave a Reply