Autobusi i linjës së Institutit ka marrë flakë ditën e sotme teksa ishte në ecje e sipër në rrugën “Dritan Hoxha”. Policia bën të ditur se mjeti mori flakë në lëvizje e sipër dhe është djegur pjesërisht në pjesën e motorrit. Në vendin e ngjarjes kanë shkuar shërbimet e Policisë dhe shërbimet zjarrfikëse.
Personat që ndodheshin në autobus janë përfshirë nga paniku dhe kanë dalë nga autobusi. Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes.
Njoftimi i policisë
Me datë 10.04.2023, rreth orës 16:50, në rrugën “Dritan Hoxha”, ka marrë flakë në lëvizje e sipër dhe është djegur pjesërisht në pjesën e motorrit, autobusi i linjës së Institutit, me drejtues shtetasin S. A. Në vendin e ngjarjes kanë shkuar shërbimet e Policisë dhe shërbimet zjarrfikëse. Personat që ndodheshin në autobus kanë dalë nga autobusi dhe nuk ka asnjë të dëmtuar. Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes.