Boçi nënshkruan bashkëpunimin me bankierin Cariola për parkun teknologjik të Elbasanit

Luçiano Boçi, kandidati i opozitës për bashkinë e Elbasanit, paralajmëroi sot se “ditë të mira po vijnë për Elbasanin”, duke firmosur nje paraprojekt, një memorandum bashkëpunimi me bankierin Michele Cariola për ndërtimin e parkut teknologjik në këtë qytet.

“Technopolis – parku teknologjik pranë Universitar, Qyteti i Filmit, Qendra e Pritjes dhe Trajtimit të të Moshuarve, Laboratori i Certifikimit të Produkteve Agro-ushqimore dhe Parku Tregtar i Elbasanit – brenda të cilit përfshihen Panairi Rajonal, Muzeu i Gjallë i Zejeve dhe Outleti Ndërkombëtar do të jenë një realitet i prekshëm për Elbasanin që duam të ndryshojmë!

Me z.Michele Cariola, bankier me përvojë dhe drejtues i F5 Finance Ltd nënshkruam një Memorandum Mirëkuptimi dhe Bashkëpunimi! Miq, pengesat dhe sulmet nuk do ndalin misionin tonë për ta Ba Ndryshimin në Elbasan”, përfundoi Boçi.