Gazeta RD
Kryebashkiaku demokrat Bardh Spahia, kandidat i opozitës për mandatin e dytë në bashkinë e Shkodrës, ka ndarë disa momente nga takimi me ish të përndjekurit politik në Shkodër.
“Shkodra si qyteti simbol i vuajtes dhe përndjekjes nga regjimi, por edhe i rezistencës dhe shpirtit të lirë, ka qënë dëshmitarja më e mirë se si duhet të jetë qendresa e një kombi”, shkruan Spahia ndër të tjera.
Postimi Bardh Spahisë
Të përndjekurit politik janë pjesë e ADN-së së Partisë Demokratike. Shkodra si qyteti simbol i vuajtes dhe përndjekjes nga regjimi, por edhe i rezistencës dhe shpirtit të lirë, ka qënë dëshmitarja më e mirë se si duhet të jetë qendresa e një kombi.
Pata kënaqësinë që gjatë një takimi me përfaqësuesit e kësaj shtrese dhe familjeve që e vuajtën mbi supe atë regjim, të flisja mbi projektin tonë për të kontribuar në ruajtjen e këtyre vlerave, njohjen e të rinjve me atë periudhë dhe promovimin e pasurimin e atyre vëndeve që dëshmojnë të shkuarën e errët që kaluam si komb. Kujtesa është ajo që një komb duhet ta udhëheqë, pasi në të kundërt rrezikojmë të na përsëritet e shkuara.
