Shuhet Berlusconi, ish-kryeministri ndërron jetë në spitalin “San Raffaele”

Ish-kryeministri italian, Silvio Berlusconi ka ndërruar jetë. Lajmin e bën të ditur gazeta italiane Corriere della Sera.

Berlusconi vdiq në spitalin ‘San Raffaele’ në Milano.

Lideri i ‘Forza Italia’ dhe themeluesi i Mediaset-it ishte 86 vjeç.

Ai ishte rikthyer në spital të premten, pasi ishte shtruar më parë për probleme në mushkëri dhe për leucemi. Berlusconi qëndroi 45 ditë në spital.

Familja e tij ishte njoftuar me urgjencë për t’u paraqitur në spital para pak minutash.