Maliqi: 700 votime në grup, Rusmali i partisë as nuk i pa fare provat e krimit elektoral në Kuçovë

Në një komunikim për mediat, kandidati i opozitës për Kuçovën, Lefter Maliqi, akuzoi Komisionin e Ankesave dhe Sanksioneve se po vepron me urdhër politik.

Ai theksoi se në Bashkinë e Kuçovës ka ndodhur një krim elektoral dhe se KAS nuk ka vepruar, ndërsa denoncoi të gjitha parregullsitë. Sipas tij, oligarku Pëllumb Salillari udhëhoqi fushatën e blerjes dhe manipulimit të votave.

“Jam pranë KAS sot në ditën e katërt pas vendimit politik. Sot e kanë mbyllur KQZ dhe KAS vetëm sepse kërkojnë të zvarrisin ankimin për Bashkinë e Kuçovës për krimin e rëndë elektoral të faktuar me prova.

KAS rrëzoi kërkesën për rinumërim të votave me një vendim politik. Rusmali i partisë mori provat për manipulimet në Kuçovë, dhe pasi i kërkoi me urgjencë, as nuk i pa fare.

E gjithë makineria qeveritare ishte e vendosur në Kuçovë, janë të paktën 700 raste të votimit në grup. Në disa qendra votimi, kamerat janë bërëme spraj për të mos monitoruar”, tha Maliqi.

About Redaksia

Check Also

Shehu: Sot të gjithë ne duhet të bëjmë të pamundurën të mundur!

Gjatë takimit që kryetari i PD, Sali Berisha zhvilloi me aleatët e Federatës së Bashkuar …

Leave a Reply