Drejtori i OSSH rikuperon lekët që bleu vota për Veliajn, tenderon 10 mln euro për 10 ditë

Drejtori i Drejtorisë së Tensionit të Lartë në OSSH, Adriatik Kupi ka filluar rikuperimin e qindra milionë lekëve të harxhuara për të blerë vota për kryebashkiakun e Tiranës Erion Veliaj në zgjedhjet e 14 majit.

Sipas shifrave të bëra publike, Drejtoria e Tensionit të Lartë e drejtuar nga Adriatik Kupi ka hapur dy tendera të dyshimtë me vlerë 10 milionë euro, të cilat duhet të mbyllen brenda dhjetë ditëve.

Konkretisht, Drejtoria e Tensionit të Lartë OSSH sh.a, ka hapur tender për Ndërtimin e Nënstacionit të ri Fier 2, 110/ kV në datë 29 qershor 2023 ora 10:00 dhe afati për mbylljen e këtij tenderi është në datë 14 korrik 2023 ora 10:00, me një fond limit prej 599, 954, 479.29 Lekë.

Gjithashtu tenderi tjetër është hapur për Rikonstruksionin e Nënstacionit Pogradec 110/ 35/ 10 kV në 110/ 35/ 10/ 20/ kV në datë 21 qershor 2023 ora 10:00 dhe afati i mbylljes është data 7 korrik 2023 ora 10:00, me një fond limit prej 349, 974, 026. 00 Lekë.

Kujtojmë se Adriatik Kupi, si pjesë e administratës shtetërore është akuzuar nga opozita dhe mediat se është angazhuar drejtpërdrejtë në fushatën e kryebashkiakut të PS-së për Tiranën, në Bërzhitë, Ibë dhe Petrelë, duke bërë presione dhe blerë vota për Erion Veliajn.

Në një video të publikuar nga Erion Veliaj gjatë takimit të zhvilluar në Petrelë dhe Baldushk, duket edhe Kupi duke kërcyer këngën tallava të Edi Ramës, krahas kryebashkiakut socialist dhe ministres së Bujqësisë, Frida Krifca.