Reali-PSG-së: Harrojeni se do të paguajmë shifra “të çmendura” për Mbappe

Real Madridi dëshiron të arrijë me çdo kusht tek Kylian Mbappe. Por, jo me shifra të paimagjinueshme.

“Mundo Deportivo” e ka përsëritur dëshirën e “Los Blancos” për ta bërë të vetin sulmuesin francez. Ata do të mundohen ta bindin Paris Saint-Germainin për nënkampionin e botës, por jo për 200 milionë euro, shifër të cilën ishin të gatshëm ta paguanin vitin e kaluar.

Objektiv i “Merengues” është që t’i vendosin në pjatë rreth 100 milionë euro, plus bonuset eventuale.

Strategjia është që t’i evitojnë shifrat stratosferike për një lojtar të cilit do t’i skadojë kontrata vitin e ardhshëm.

Për Mbappen thuhet se interesim kanë shprehur edhe dy gjigantët anglezë, Liverpool dhe Manchester United.

Por, duket se dëshirë e lojtarit është që të përfundojë në “Santiago Bernabeu”, në klubin e ëndrrave të fëmijërisë së tij.