Skandali/ Rama miraton në seancë sekrete legalizimin e drogës

Deputetët socialistë në komisionin e Ligjeve kanë miratuar sot me urgjencë draftin e qeverisë për legalizimin e kanabisit, teksa opozita nuk ishte e pranishme.

Drafti i Qeverisë ka marrë pro shumicën e votave të deputetëve socialistë, ndërkohë që Fatmir Xhafaj dhe Pandeli Majko kanë abstenuar.

Balkanëeb ka mësuar se teksa në Kuvend debatohej për arrestimin e Ahmetajt, në një nga sallat e katit të dytë të Kuvendit, kryetarja e Komisionit të Ligjeve, Klotilda Bushka ka thirrur mbledhjen e Komisionit dhe në rend të ditur ishte drafti i Qeverisë për legalizimin e kanabisit.

Mësohet se deputetët e opozitës nuk kanë qenë të pranishëm në sallë, teksa të kontaktuar nga Balkanëeb ata thanë se nuk janë njoftuar nga administrata e Kuvendit.

Burimet bëjnë të ditur se mbledhja e zhvilluar në një nga sallat e Parlamentit ka zgjatur vetëm pak minuta dhe ambienti nuk ka qenë i pajisur me kamera dhe regjistrues.

Në përfundim të mbledhjes së shkurtër, kur Bushka e ka hedhur në votim projektligjin, dy deputetët Xhafaj dhe Majko nuk kanë votuar pro si pjesa tjetër e grupit, por kanë abstenuar.

About Redaksia

Check Also

Përplasja e klaneve në PS/ Muçollari: Bashkia e Tiranës u mohon qindra banorëve lëvizjen e lirë dhe shërbimet e tyre

Deklarata e anëtarit të kryesisë së PD, Grigels Muçollari: Ndodhemi në rrugën ‘Alije Këlliçi’, në …

Leave a Reply