Gazeta RD
Ish-zëvendëskryeministri Arben Ahmetaj reagoi për kontrollet që janë ushtruar sot nga SPAK dhe BKH në banesat e familjarëve të tij. Ai tha se kjo ishte reprezalja e radhës ndaj familjes së tij.
Ahmetaj komentoi edhe një lajm të prodhuar në mediat pranë qeverisë, se ai ka transferuar 1.8 milionë euro.
“Sot u bë reprezalja e radhës në familjen time, nga mosha 82 vjeç e poshtë.
Madje pleqve iu janë marrë dhe celularët, në kërkim të provave për “inceneratorët”.
Ndërsa “spin doctor”/kontakt inceneratorësh, ka qarkulluar lajmin e rremë se qenkan transferuar 1,8 milionë euro…
Në vend të merren me fondet e inceneratorëve, merren me 1,8 milionë euro imagjinarë.
Fake news e prodhuar në laboratorët e ortakërisë mediatike dhe jo vetëm, të inceneratorëve …,” shkruan Ahmetaj.
